الجمعة، يوليو ١٩، ٢٠١٣
الأحد، مارس ١٧، ٢٠١٣
القوس و الكمان
===========
لما العيون إتفتحت ، و عمايا زال
كل السنين إتجمعوا ف لحظة كمال
كل المِخَبى ف الرُكام ظهر و بان
الشمس داست ع العَتام
حرقت حشود قلب الضلام
و النور فَرَش كل المكان
خلف الستاير كنتى إنتى
قريبه منى يا حبيبتى
قبل البدايات و الطوفان
جِبت الشريط من أوله
كل اللى فات و مِسَجِلُه
فيه اللى كاين و اللى كان
فيه الهوى صافى و جميل
فيه الشعور حُر و نبيل
فيه الغرام من غير هوان
فيه الجَمال اللى إمتلك
قلبى يا أجمل من مَلَك
يا أحلى من كُل الحِسَان
فيه العيون أصل الدفا
بحور وَسِيعَه م الوفا
و مايعرفوش غير الأمان
فيه الإيدين الناعميات
و اللمسه تحيى م الموات
تداوى من كل الحرمان
فيه الشفايف ألف لون
تدى هُدى و ساعات جنون
تسقى النعيم ألوان ألوان
فيه الغرام اللى إتبنى
يكفينى ١٠٠ ألف سنه
فوق التاريخ فوق الزمان
قلبى بيهوِى م الخطر
بردان و يرجف م المطر
وف حُضنِك الخير و الحنان
أنا الأعمى اللى كان مكفوف
و فَتَّح لما مات م الخوف
على حُرقة البين و الهجران
حُبِك يا رُوحى ده الحياه
يشفى الألم و يداوى آه
للفرح كان هو العنوان
بأحبك إنتى يا حياتى
يا كُل ماضى و كُل آتى
يا غنوه ماليه لى الأكوان
يا نجمه قلبى بيحضُنِك
و يدوب فداكى و يسعدك
لو هو قوس ... إنتى الكمان
============
محمد منيسى
١٧ مارس ٢٠١٣
١٧ مارس ٢٠١٣
الأربعاء، مارس ١٣، ٢٠١٣
القلب الكبير
قلبك ده كبير يا حبيبى
و الحب ف قلبى كبير
أيامه تعدى هوانا
زى غرام العصافير
و العش الوردى بيكبر
و الهم خلاص بيطير
لا غراب البين بينَوَح
ولا يقلب أحلى مصير
جناحاتك دى حافظانا
من ريح و تراب أمشير
قلبك حَوَط حوالينا
و حمانا من الأعاصير
دلوقتى الليل أهو جانا
كاسح مجنون شرير
لا بيرحم ولا بيسمى
لا بيسمع ولا بَصير
أنا روحى تفدى دموعك
و حياتى ما تبقى كتير
غلطان من ساسى لراسى
و لفضلك لسه أسير
إرحم قلبى الولهان
ما ترجعهوشى كسير
محمد منيسى
١٣ مارس ٢٠١٣
الأربعاء، فبراير ٢٧، ٢٠١٣
صادية الأحوال
يا لائمى فى هواهُ ، و العشقُ قدرٌ
يا ويحَ قلبك "بطَل تِفَلحَص"
يا ويحَ قلبك "بطَل تِفَلحَص"
***
كأنكَ قُددتَ من معدنٍ
فلا هويتَ و لم "تِبَصبَص"
فلا هويتَ و لم "تِبَصبَص"
***
يا مصرُ يا "مُزَتى"
مالى أراكِ فى الوضع "قَرفَص"
مالى أراكِ فى الوضع "قَرفَص"
***
شُعثاً شعوراً ، خُلقاً ثياباً
بَدناً خيالاً و الوجهُ "مَصمَص"
بَدناً خيالاً و الوجهُ "مَصمَص"
***
تتناوشُكِ شراذمُ شعباً
قد كانَ شعباً فصارَ "قُصقُص"
قد كانَ شعباً فصارَ "قُصقُص"
***
ف "نهضاويه" و "برادعاويه"
و "حمداويه" و الكلُ "رَصَص"
و "حمداويه" و الكلُ "رَصَص"
***
فأين المفرُ و أين السبيلُ
و كيف الهروبُ "مش عارف أفَرفَص"
و كيف الهروبُ "مش عارف أفَرفَص"
***
بنى جلدتى هُبُوا إليها
بلادَ النيلِ "أحسن هاتفطس"
بلادَ النيلِ "أحسن هاتفطس"
***
إنسوا خلافاً و تخويناتٍ
تغرقُ بنا "خالص و تِغطَس"
تغرقُ بنا "خالص و تِغطَس"
***
فالجسدُ إن بَعُدت أشلاؤهُ
عن قلبهِ "حالاً تِفَيص"
عن قلبهِ "حالاً تِفَيص"
***
عودوا إلى رشداً قديماً
يحمى الوطن من كلِ "مَغرَز"
يحمى الوطن من كلِ "مَغرَز"
***
إذا الأخلاقُ ضاعت ، يا ويلتى
فبلادُنا صارت "هَلَمبص"
فبلادُنا صارت "هَلَمبص"
***
و مصرُ ليست "رُبع لانشون"
و الكلُ يبغى فيهِ "يِنَصَص"
و الكلُ يبغى فيهِ "يِنَصَص"
===============
محمد منيسى
27 فبراير سنة 2013 الكبيسه
27 فبراير سنة 2013 الكبيسه
الأربعاء، يناير ١٦، ٢٠١٣
قلبى الصُغَيَر
بعد الغُنا و الهَنا
أفراح حمام بيطير
ضحكى يهز السما
و شعور جميل و أثير
جرحين ورا جرحين
و جروح كمان و كتير
قلبى الصُغَيَر كبر
بقى جرح قاسى كبير
أفراح حمام بيطير
ضحكى يهز السما
و شعور جميل و أثير
جرحين ورا جرحين
و جروح كمان و كتير
قلبى الصُغَيَر كبر
بقى جرح قاسى كبير
السبت، يناير ١٢، ٢٠١٣
يسعد صباحك
يا رب يجعلك صباح .... نادى و سعيد
كمثل ضحك الشمس .... لليوم الجديد
زى إنتصار النهار .... ع الليل الشديد
زى بسمة الدفا .... ف قلب الجليد
زى ضحكة المَلَك .... و مليون وليد
زى ما حُبك حَرَرُه .... قلبى العبيد
و زى أفراح البشر .... ف ألف عيد
و زى نجمة حبنا .... و نورها العنيد
صباح سعيد يا حبيبتى .... صباح سعيد
زى قلبك ما حَضنى .... بألف إيد
الخميس، يناير ٠٣، ٢٠١٣
القرار
==============================================