الأحد، يونيو ١١، ٢٠٠٦
هو ده بقى التدوين
يا سلااااااام
و الله و باضت لك فى القفص يا أبو الدراويش و إتمدنت و إتقدمت و دخلت أفاق جديدة على رأى الباشمهندس محتاس القط بتاع الأخبار
هو ده بقى التدوين
ياما إنتوا مهنيين نفسكوا يا أهل البندر
تقعدوا تكتبوا كده اللى ييجى على بالكوا من غير نقابه ولا رقابه ولا غرابه ولا رهابه ولا حاجة خالص
يا حلاوه
أنا أحيى كل الإخوة الأجانب اللى فكروا فى الفكيره العجيبه دى
و أحيى الناس المحترمه اللى خلت المدونات هى المكان الوحيد اللى ممكن نهوهو فيه من غير ما حد يتشتم
ولا يتعور ولا ....... زى ما إنتوا راسيين
بمعنى أخر ندلق كل اللى عندنا بحريه و ديموقراطيه و شمندريه
و الله أنا سعيد جدا بالفرصه دى و مش عايز أمشى بس الماتش إبتدى و أنا نفسى أتفرج على فلافيو و هو بيجيب جون فى البرتغال
ياريت تخلونى على الخط و تلاغونى
أبو الدراويش
