الدرويش المرووش

هييييييييه دنيا فانيه
المتغطى بيها عريان

الله ينكد عليك يا عم أحمد يا مطر

هاتقولولى ذنبه إيه؟

ما فيش
بس أنا دعيت على ناس كتيييييييييييير
ليهم ذنب (بسكون النون أو فتحها شغال) فى الموضوع
و ماحصلش حاجه

فقلت أغير المره دى يمكن أنا الناشنكاه عندى بيحدف يمين أو شمال

هو فيه إيه؟

ده أنا لسه راجع من السودان و عمال أقول فى كل حته إن السودان هاتبقى زى السعوديه فى السبعينات.
من كتر الخير و فرص الإستثمار اللى الواحد شافها هناك.
و لسه كنت بأكلم أصحابى اللبنانيين و فتحنا موضوع الصيف و موسم السياحه هناك.

هو إحنا ليه كده؟

ياترى ده قلة فهم ولا قلة دم ولا قلة ذمه ولا قلة قيمه؟

الناس دول مستحيل يكونوا مش فاهمين.
الموضوع واضح زى الشمس فى عز الضهر الأحمر.

ده خراب و مستعجل و كمان بعلم الوصول.

الواحد بقى بيكلم نفسه منكو لله يا بعدا.

و الله بقت حاجه تقرف.

ده العيل لما بيكسر لعبته بنسود عيشته

طيب نعمل إيه فى اللى بيحرق بلده؟؟؟؟