السبت، أغسطس ٢٥، ٢٠٠٧
يا رب يارب يا رب الرحمه ده إحنا غلابه
*
*
نيييييييياااااااااااوووووو
*
يا ست نوارة هانم يا بنت أبويا نجم
*
غيتينا
*
يا ختى مش قاعدة تصنفى فى الصحفيين والزحفيين و السخفيين
جنيه منك لخمسين منى
لو عرفتى تصنفى الخرابيش دى
*
ملحوظه هامه
*
شغلوا التكييف على 16 و إنتوا بتقروا
ولو مافيش تكييف زى حالاتى
إقروا فى التلاجه
قد أعذر من أنذر
أى حاجه تبوظ أنا مش مسئول
*
*
==========================
*
الناس و الرئيس و الوزراء وأنا و إنت
-->-->عقب كل لقاء للرئيس مع أعضاء الحكومة، يتنفس شعبنا الطيب الصعداء، ففي كل هذه اللقاءات، يمثل الرئيس أبناء شعبه كلهم.. يدافع عنهم، ويعري أي تقصير في أداء المسئولين تجاههم.إنه اللقاء الوزاري الوحيد، الذي يأمن فيه أبناء مصر من عدم وجود أعباء جديدة تفرض عليهم!!كل الوزراء يحسبون ألف حساب لأي لقاء يجمعهم مع الرئيس مبارك. فبعد إبلاغ الوزراء بموعد الاجتماع، يبدأون علي الفور المراجعة النهائية لكل الأمور المتعلقة بمجالات العمل في الوزارات، التي يتولون مسئوليتها.لقاء الرئيس ليس ككل اللقاءات. لا... لانه الرئيس الذي يمثل أعلي سلطة تنفيذية في البلاد، ولكن لان اللقاء مع شخص الرئيس مبارك.الرئيس الذي يدخل الاجتماعات، وهو يعرف كل صغيرة وكبيرة. عادة ما تكون اسئلته مفاجئة، وعلي غير التوقعات.ولانه الرئيس، فإن الاجابة تحتاج إلي مهارات خاصة. تحتاج إلي مذاكرة جيدة، وإلمام كامل بكل التفاصيل، دون أي محاولة لاخفاء معلومة، أو تخفيف حدة مشكلة، أو اسراف في تفاؤل لايوجد ما يدعمه.الرئيس يسأل عن توفير الأسمدة للمزارعين، وعن خطط التغذية المدرسية.. يسأل عن القري المحرومة من الخدمات، ويتابع بدقة ما يتم احرازه في مجال تنظيم الأسرة، أو محو الأمية. ويشدد علي ضرورة مواجهة الغلاء..وفي كل أسئلته واستفساراته يكون المواطن البسيط هو شغله الشاغل..الرئيس يعرف معاناة الناس.. يعرف أن ثمار الإصلاح تحتاج لفترات من الوقت لاكتمال نضجها.ولانه الرئيس مبارك، فإن لديه القدرة علي الحركة بسرعة، والتجوال السريع في العديد من الملفات والقضايا، وعادة ما يكون سؤال الرئيس.. متي؟!والاجابة تعني التزاما.. فكل كلمة يقولها أحد الوزراء تصبح عهدا ووعدا والتزاما.. يصعب الفكاك منه. وأتذكر انه في إحدي المرات، التي رافقنا فيها سيادة الرئيس، وجه سؤالا لاحد الوزراء المرافقين لنا، حول موعد الانتهاء من أحد المشروعات. واجاب الوزير: إن شاء الله في منتصف العام القادم يافندم!لكن الرئيس بادره بسرعة: لا ليس منتصف العام، ولكنك قلت لي من قبل انه سينتهي في نهاية مارس أليس كذلك؟!واسقط في يد الوزير، وقال: تمام يافندم، ولكن للاسف حدثت بعض المشاكل، التي قد ترجيء الانتهاء من المشروع 3 شهور إضافية!!عقب كل لقاء للرئيس.. تبدأ مرحلة نشاط وحيوية نلاحظها جميعا. ففي كل لقاءات الرئيس، تكون هناك مناقشات مستفيضة لكل شيء. وتكون هناك أيضا برامج وخطط تتحول الي واقع نلمسه، ونتمني استمراره..
***
ما من مرة اتحدث فيها مع الرئيس حسني مبارك، إلا وتزداد قناعتي بأن سنوات حكمه سوف تظل لعشرات السنين القادمة مادة خصبة للمؤرخين والمفكرين، وخاصة أنها تزامنت مع مجموعة لا حصر لها من التحديات والصعاب، التي كان يمكن ان تكون عائقا امام تحقيق طموحاته وآماله لشعبه ولبلاده، التي وهبها كل حياته، ولايزال يواصل مسيرة عمل وجهد جبار، من اجل تأمين مستقبلها.أي منصف للتاريخ وللحقيقة سوف يتوقف امام محور مهم، يمثل إحدي الركائز الاساسية لسنوات حكمه، وهو انه لا يعمل من اجل الحاضر فقط، بل يعمل من اجل المستقبل، فكل قرارات الرئيس، وكل التكليفات التي يصدرها للحكومة، تحمل هذه الحقيقة.ربما لو ان هذه الحقيقة كانت غائبة عن الرئيس، لكنا اليوم اسعد حالا!! وكانت مرتباتنا قادرة علي مواجهة تحدي الغلاء العالمي!! ربما، وربما علي طريقة 'عيشني النهاردة وموتني بكرة'!! ولكن بالطبع، كنا سوف نتجه للهاوية، وربما كان اولادنا واحفادنا سيتسلمون منا خزائن خاوية، لتظل مصر واجيالها كلها محلك سر
!
===================================
*
يا جدعان الموضوع واضح إنه كبييييير أوى
أنا البعيد حمار ما بيفهمش
أنا البعيد حمار ما بيفهمش
*
*
عايز حد بيفهم يبين
و يكون قلبه حنين
و فيه شبه من المزين
و يحاول يشرحلى علشان أفهم
طيب بلاش
عايز حد بيفهم يبين
و يكون قلبه حنين
و فيه شبه من المزين
و يحاول يشرحلى علشان أفهم
طيب بلاش
*
عايز واحد دكتور
إبن ناس و مستور
أقف عنده ف طابور
ويحاول يشرحلى علشان أفهم
يا إخوانا هما الوزرا دول مش ناس كبره كده و جامدين و أسود
ولا إيه النظام
*
أسئلة إيه اللى بتجيلهم من خارج المقرر
و بتخلى الواحد فيهم يا ولداه يسهر يوم الإمتحان ما ينام
و يقعد يشيل و ينكت فى نفسه
*
يا ترى السؤال هايكون فى أنهى حته من المنهج
و ياترى ماحدش فيهم بيفكر يعتمد على البورشام
أو يغش من اللى جنبه
*
و مين الوزير اللى إتقفش و هو بيسكرت 3 شهور ده
وف مشروع إيه
*
وواقع إيه الملموس لامؤاخذه اللى بنتمنى إستمراره
و بعدين مستقبل إيه اللى بيقول عليه الراجل ده
هو المستقبل ده بعد كام سنه
عشره
خمستاشر
عشرين
طب خمسه و عشرين
ماهو كل ده عدى وفات
ولا الموضوع مالوش دعوه بعشرات السنين
والخطط بتتبنى على ألاف السنين علشان تعيش و تشد زى الأهرامات كده
*
يكونش العز و الهنا اللى إحنا فيه ده نتيجه تخطيط سيادة الرئيس رمسيس التانى والوزير الحكيم إمنمحات الأول
*
يا عم سمير يا رجب أنا جزمه والله
وأسف و بعيط بدل الدموع دم
ولو شفتك فى أى حتك أنا هاخدك بالحضن وإحتمال أترمى على إيدك أبوسها
*
صحيح
*
الواحد ما يعرفش قيمة أمه إلا لما يشوف مرات أبوه
*
يا مثبت العقل و الدين يا راااااااااااب
*
*
إرحمنا و النبى ده إحنا غلابه
الأربعاء، أغسطس ٠٨، ٢٠٠٧
صباحو يييعععع
حرااااااام
و النبى حرام
و الشئ العجيب إن الحرام ده كله يطلع من الحلال! إزاى؟ صبرك عليا
أنا بأحب السينيما. حلال
و بأحب مراتى كمان. حلال (بغض النظر عن الندل اللى بيضحك ده) طبعا
و بأحب بقى أتفسح أنا و المدام فى السينيما
قوم المدام تصمم إننا نخش فيلم الأستاذ الفنان الموهوب أحمد باشا أدم
و أنا الشهاده لله ما بأحبش الأفلام العربى
و أخدت عهد بينى و بين نفسى ما أخشش فيلم عربى من ساعة الواد محمد سمير الواطى ما دخلنى فيلم تلاته على الطريق إخراج الباشمهندس الدكتور القليوبى
المهم قلت يا واد قضيها ضحك و فرفشه بلا هم و أكشن و عاطفى
هايطلع الفيلم أهبل!! و ماله أهو تكبر الدى و تروق الجى على رأى الواد المنكوش بتاع إتصالات
دخلنا يا عمنا و معانا تموين الفشار بالسكر المحروق اللى بيقولوا عليه كراميل و إبتدى العرض
يا نهار إسود
تنميييييل عام فى كل أنحاء الجسم فى أول خمس دقايق
بعد ربع ساعه إبتديت أعيط
بعد عشرين دقيقه إبتديت أكل الفشار بتاع مراتى طبعا بعد ما خلصت فيشارى
بعد نص ساعه إبتديت أنهق بصوت واطى
يا لهوى إيه الناس السيكوباتيه دى
ليه كده؟ ده مش فيلم ولا حتى حادثه
ده ذنب.
ذنب كبير ربنا بس هو اللى يقدر يغفره إنشاء
لا قصه ولا فكره و لا تمثيل و لا تهريج و لا حتى قافيه من بتوع القهاوى
العجيب إنى سمعت بودان أهلى الباشمهندس أحمد أدم فى حديث (صوحفى تلفزيونى) مش عاجبه
و بيقولك مش معقول كل السنيده بقوا أبطال كل ما أجيب حد سنيد معايا ألاقيه بعد كده عمل فيلم ونافسنى
ياااااااا حلاااااااوه
الدكتور عايز البشريه تنقسم إلى تلات أقسام
هو البطل
السنيده الواطيين
المتفرجين ولاد البطه اللى هايتفرجوا على فيلمه غصب و إقتدار
كمان مره ياااااااا حلاااااااوه
المهم أخوكم حاول يخرج فى الإستراحه منعونى الوحوش المفتريين اللى ماعندهمش إخوات
أكيد إحتياطات أمنيه علشان ما أسيبش قنبله جوه و أخرج
قال يعنى اللى بيتفرجوا على الفيلم ده ناقصين إن قنبله تفرقع فيهم
طيب يا عم أقعد فى الكافتريا
بصولى كأنى مجنون
المهم نزولا على رغبة (المودام) دخلنا تانى القاعه بتاعة السجن ... قصدى النيله الفيلم
و بدأت أحس بشكوك قويه تنتابنى
يا نهار إسود لتكون مراتى عاجبها الفيلم
طيب لو طلقتها لهذا السبب هأقول للعيال إيه؟ أمكم مشيت علشان عمكم أحمد أدم عور أبوكم بصباحو زفت
و لو سبت الوضع زى ما هو. مش يمكن تصحى باليل تدبحنى أو تولع فى الشقه
ما الفيلم ده ما يعجبش غير ناس هوووووبا إستنجلينا
إستر يارب
و فى وسط دقات قلبى ماهى بتعمل دوم تاك دوم
قررت أسألها و أواجهها و اللى يحصل يحصل
أنا(بصوت مرتعش): هو إنتى يا حبيبتى عاجبك الفيلم؟ عادى يعنى دى أذواق
هى (بغضب رهيب): إنت عبيط؟ أنا قلت التكييف هنا أجمد من بره وأهو نتكيف بالفلوس!!!!!ههههههههههه
الاثنين، أغسطس ٠٦، ٢٠٠٧
هو المدرب فييييين؟؟؟؟
- هو المدرب فيييين؟
* مدرب مين؟
- الفرنساوى؟
* طار ف الهوا شاشى و إنت ما تدراشى يا جدع
- أنا باين عليا إتشليت يام عباس
**********************************
- أحمد رمزى (الصحاف) مديرا فنيا للزمالك
* يا راجل!! تانى!!!
- أول تصريح لرزه إيه؟
* إيه؟
- الدورى لسه ف الملعب. نيياااااهههاااه
*********************************
- هو نوفو فييييييييين؟؟؟!!!
* يوووووه. غور بقى
*********************************
مبروك الدورى اللى من غير طعم للأهلى
