الدرويش المرووش

معلش يازوجي العزيز
انا اكتر واحدة حاسة بيك بسبب النكد اللي عامله لينا في البيت علشان خاطر هروب عصام
واحب اقولك ان احنا مالناش ذنب
وحرام عليك اللي بتعملة في نفسك دة
يابني انت ماحستش بنفسك وانت نايم طول الليل وعمال تخرف وتقول : اة ياواطي ..كفر البطيخ ماجابتش رجالة

مش كدة ياابو الدراويش ارحم نفسك شوية مفيش حاجة تستاهل كل دة

تحياتي
 

بتتريقى على كلامى و أنا نايم

و أنا اللى بقالى سنين ساكت على تخاريفك الليليه

- ليييييييه الرغيف ده بربع جنيه

- اللى مش هايسكت هأعلقه

- أحسن حاجه نبيع الخضار و نركز فى البانجو

- أنا اللى هاسوق

- يوسف لأ يوسف لأ

- السكان الكلاب مش راضيين يلموا و يغطوا الباكابورت

خلينى ساكت أحسن و منه لله الواطى اللى شمت الناس فينا
 

بس يا عمو الدرويش وقعوا في بعض أهم في أقرب فرصة وضاعت الأناشيد الوطنية
تحياتي وما تتأخرش علينا كدة
 

كفر البطيخ بطيخها أقرع
ماتزعلش نفسك واللهي مايستاهل
أخيييييه عليه أخيييييه
 

أنا علقت قبل كده
ومش عارفه التعليق راح فين

المهم
على رأي شاهي
ماتعملش في نفسك كده
ما في شئ يستحق
ويا سيدي الإناء ينضح بما فيه

على فكرة حوارك أنت وشاهي جميل أوى
ربنا يوفقكم دوما
تحياتي لكما
 

طب والله عندك حق يا ابو الدراويش
فلاح كفر البطيخ مش عاجبه تلاته مليون في السنه وبيجري على عشره مليون في موسمين
غبي وجحش وكتاب الله

بس خلي بالك يا ابو الدراويش
الاهلي فوق الجميع
ولو الحضري مش عاجبه الاهلي ورايح يلعب في نادي سيفون سويسرا .. الحمدلله
الاهلي فوق الجميع
فوق الجمييييييييع
فوق الجمممممممميع
ومش هيقف على لاعب
مهما كان هو مين


ملحوظه
هي ماما شاهي بجد قالت .. نبيع الخضار ونركز في البانجو؟؟؟؟



سلامووووووووووووز
 

الله يكرمك اعصابك معلش افتكر له حاجه واحده بس حلوة شيطان بقى وضحك عليع سامحه حضرتك علشان اعصابك
الله يكون فى عون اللى فى البيت
 

دنيا
آه والله يا أبو الدراوييش أهو واحد من بلد عمرها ما ظهرت على الخريطة ولا هتظهر تسمى بإسم كفر البطيخ والبطيخ فى أصل ذاته سلعه منتهية الصلاحية وبتاع وكده يعنى
يعنى من الآخر انت بتحرق دمك ليه
دا انا اللى مليش فى الكورة كرهت الواد الحضرى ده من كتر وجع دماغى من الناس اللى قاعده تشتم فيه
كل ما أقعد فى حته أسمع الحضرى الله يحرق الحضرى على اليوم اللى لعب فيه او فكر فيه انه يلعب كورة
فعشان كده يا مان بقولك كبر الدماغ بقى وسيبك منه
بيقولك أمير هيبقى زى الحضرى وبعد كام سنه هيهرب هو كمان هيروح موزانبيق
بس كفاية عشان تعبت
 

يووووووووووووووووووه حضرتك كروي متعصب عموما اهو الحضري اهو راجع تاني
انا لست كروية بتا بس احب المشاركة الوجدانية برضه
هو كل الازواج كدة طب هي بتنكشك بس تقوم تجيب القديم والجديد كلكوا شبه بعض
ربنا يستر وما يكنش سامعني
تحياتي
 

الحضري راجع تاني قال ايه يبدي فروض الولاء والطاعه يا عم ابو الدراويش

طب بذمتك انت لو مكان حسن حمدي كنت عملت ايه؟؟؟؟؟؟

في ناس بتقول انه بيعمل كده متفق مع بتوع نادي سيفون سويسرا .. انا عن نفسي بيتهيألي انه اكتشف انه هيتفلقط هيتفلقط .. قاللك ارجع الحق المكافآت بتاعت المنتخب ورجال الاعمال وارجع تاني اشد السيفون



ملحوظه
انت مختفي ليه ياعم؟؟؟؟؟



سلامووووووووووووووز
 

ها أحترم الاهلي لو ما رضيش يلعبه و عرضه للبيع في نهاية الموسم

لكن لو أداله عقوبة هايفة زي مثلاً لو أوقفه لحد آخر الموسم ( اللي هو أصلاً محسوم للأهلي ) و لقيناه بيلعب مع الأهلي الموسم الجاي .. يبقي بصراحة .. الحضري عنده حق يتمرد
 

بص بقي يانجم تعال نتكلم بصراحة
من حق الحضري يحترف برة خصوصا ان سنه وصل 35وهو بيحلم بالأحتراف ومن حقه يحقق حلمه من سنتين بعد كاس الأمم جاله عقد في تركيا والأدارة رفضت وهو كان عنده الرغبة ووسمع كلامهم طيب يحقق حلمه امتى خصوصا انه خلاص مش فاضل له غير سنتين تلاته ويعتزل من حقه يحقق حلمه في الوقت القصير اللي فاضل له
كمان الحياة في الأهلي مش وردي كدة في حاجات كتير احنا مش عارفنها حاجات كتير تخلي وائل جمعة يمشي وحسن مصطفي يمشي ومتعب يوافق يروح روسيا رغم انه عارف انه مش هيقدر يتحمل الجو هناك
حاجاتتخلي الحضري يسيب كل حاجة ويقرر يمشي
لازم نفكر بعقل الحضري مش صغير ولا عبيط علشان ياخد قرار زي دة اكيد هو فكر كتير قبل ماياخده واكيد في حاجات كتير تخليه يسيب كل حاجة ويمشي وبعدين مع احترامي من حق كل واحد يفكر في مصلحته
زي مامن مصلحة الأهلي ان عصام يبقي مصلحته يسافر فليه يبقي حلال للأهلي حرام علي غيره
علي فكرة انا اهلاوي لكن في حاجات كتير بتحصل في الجزيرة مش موافق عليها
اخيرا اتفوه دي كلمة قاسية قوي خصوصا ان نفس الشخص من ايام قلائل كان بيترفع فوق الأكتاف وكان مثار اعجاب واحترام الكل
 

السلام عليكم الحضرى بعملتة دى خسر حب واحترام الجمهور ودة اقصى عقاب لية
 

طب لما هو واطى اوى كدة
انت عامله الف حساب ليه وتاعب نفسك وكاتب عنه بوست بحاله
 

زعلتني منك يا ابو الدراويش

ليه كل العصبيه دي هو في مين في بلدك مبيدورش على مصلحته هي الدنيا كده وبعدين ده لاعب كره فكرة الأنتماء بتاعة النادي دي مبيعترفش بيها في محال الأحتراف ممكن العب النهارده هنا وبكره هنا وبعدين يعني عفوا ما بكره لو كبر هتبيعوه زي حسام وابراهيم
اما علشان انتوا اللي جبتوه من كفرالبطيخ ومعرفش ايه ده ميعيبوش في حاجه راجل جه وادى اداء يحسد عليه وخدم فريقه بكل اخلاص

جايز انت بتحب فريقك قوي لكن قدر ان هو كمان بيعتبر ده شغلته مش لعبته يعني انت لو جالك شغل احسن من شغلك بضعف مرتبك ترضى حد يقولك يا معرفش ايه علشان عايز تسيب الشركه القديمه
اعذرني زعلتني منك يا اجدع اخ

سلااااااااااااااااااااااااااام
اخوك ايهاب
 

انا رغم انى من الناس اللى مبتطيقش الحضرى لكن انا شايف ان كل واحد بيدور على اكل عيشه ومش معنى ان واحد كان مش لاقى ياكل وجاى بشنب وحالته بالبلا من بلده انه يفضل طول عمره كده