الأربعاء، مارس ١٣، ٢٠١٣
القلب الكبير
قلبك ده كبير يا حبيبى
و الحب ف قلبى كبير
أيامه تعدى هوانا
زى غرام العصافير
و العش الوردى بيكبر
و الهم خلاص بيطير
لا غراب البين بينَوَح
ولا يقلب أحلى مصير
جناحاتك دى حافظانا
من ريح و تراب أمشير
قلبك حَوَط حوالينا
و حمانا من الأعاصير
دلوقتى الليل أهو جانا
كاسح مجنون شرير
لا بيرحم ولا بيسمى
لا بيسمع ولا بَصير
أنا روحى تفدى دموعك
و حياتى ما تبقى كتير
غلطان من ساسى لراسى
و لفضلك لسه أسير
إرحم قلبى الولهان
ما ترجعهوشى كسير
محمد منيسى
١٣ مارس ٢٠١٣
